ალეკო ელისაშვილმა, რომელმაც რამდენიმე დღის წინ, "ახალი პლატფორმა" დააფუძნა, თქვა, რომ მის გუნდში ევროპული საქართველოს ლიდერს, ელენე ხოშტარიასაც ისურვებდა.

რუსთავი 2-ის ეთერში, ღამის კურიერთან ინტერვიუში თქვა, რომ "პერსონალურად, ინდივიდუალურად და ადამიანურად" ადასტურებს ელენე ხოშტარიასადმი სიმპათიას და გული წყდება, რომ "ცუდ პარტიაში, ცუდ წრეშია". წამყვანის კითხვაზე, ისურვებდა თუ არა ელენე ხოშტარიას მის პარტიაში "პორტირებას", ელისაშვილი პასუხობს, რომ "დიდი სიამოვნებით" ისურვებდა ამას:

"ძალიან მებრძოლი გოგოა, წესიერი გოგოა და ხალხი მაგას არ უწამებია, ფული არ მოუპარავს. ცოტა უცნაურად ღღერს, მაგრამ რასაც ვფიქრობ იმას ვამბობ".

ალეკო ელისაშვილმა და ლევან იოსელიანმა, იუსტიციის საბჭოს არამოსამართლე წევრმა მოძრაობამ ხალხისთვის ერთ-ერთმა დამფუძნებელმა ანა დოლიძემ და დეპუტატმა ლევან კობერიძემ შექმნეს ახალი პლატფორმა. ახალი პოლიტიკური პლატფორმის შექმნასთან დაკავშირებით მათ მემორანდუმს ხელი 18 ივნისს მოაწერეს. ისინი პარტიის ჩამოყალიბებას გეგმავენ.