შინაგან საქმეთა სამინისტროს საგანგებო სიტუაციების მართვის სამსახური მეოთხე დღეა გიორგი შაქარაშვილს ეძებს. ფეხბურთელის დაკარგვის შესახებ ოჯახმა უწყებას 19 ივნისს მიმართა.

უწყების განცხადებით, ღამით მდინარე არაგვსა და მტკავრს ამონიტორინგებდა ცოცხალი ძალა და თერმული დრონი. მათივე თქმით, ადგილზე მობილიზებულია 70 მეხანძრე-მაშველი, მათ შორის მყვინთავთა ჯგუფი. ასევე, საძიებო პროცესში ჩართულია 2 ექოლოტი, რომლებითაც ხდება წყლის ფსკერის დათვალიერება.

ფოტო: საგანგებო სიტუაციების მართვის სამსახური

სამძებრო სამუშაოებისთვის 20 ივნისს ზაჰესის დამბა გახსნეს და ჟინვალჰესის დამბა დაკეტეს, რამაც მდინარე არაგვში წყლის დონის დაწევა გამოიწვია და სამძებრო სამუშაოები იქ გაგრძელდა.