პარლამენტის თავმჯდომარის არჩილ თალაკვაძის განცხადებით, პოლიტიკის ისტერიაში ვერ იხსენებს ოპოზიციურ პარტიას, რომლმაც მხარი არ დაუჭირა იმას, რასაც ამბობდა, რომ მხარს უჭერდა. ასე შეაფასა მან ნაციონალური მოძრაობა, რომელმაც საკონსტიტუციო ცვლილების კენჭისყრაში მონაწილეობა არ მიიღო.

"მე ვერ ვიხსნებ პოლიტიკის ისტორიაში ვერცერთ ფაქტს, როდესაც პოლიტიკურმა პარტიამ, ამ შემთხვევაში ოპოზიციურმა პოლიტიკურმა პარტიამ შეძლო, რომ მხარი არ დაეჭირა იმისთვის, რასაც ამბობს, რომ მხარს უჭერს. ისინი ამბობენ რომ მხარს უჭერენ ამ ცვლილებებს, რომ ეს საჭიროა, კარგია მაგრამ ასევე დღეს გამოჩნდა, რომ მათ კენჭისყრაში არ მიიღეს მონაწილეობა და მხარი არ დაუჭირეს", — თქვა არჩილ თალაკვაძემ.

თალაკვაძემ მადლობა გადაუხადა ყველა დეპუტატს, რომელმაც საკონსტიტუციო ცვლილებებს პირველი მოსმენით მხარი დაუჭირა. ცვლილებების თანახმად, არსებული საარჩევნო სისტემა უნდა შეიცვალოს და მომავალი მოწვევის პარლამენტში პარტიული სიით 77-ის ნაცვლად 120 დეპუტატს აირჩევენ, მაჟორიტარი კი 73-ის ნაცვლად მხოლოდ 30 იქნება. ცვლილებებს მხარი 136-მა დეპუტატმა დაუჭირა, 5-მა წინააღმდეგ მისცა ხმა. კენჭისყრაში ნაციონალურმა მოძრაობამ მონაწილეობა არ მიიღო, რადგან მათი თქმით 8 მარტის შეთანხმება ბოლომდე შესრულებული არაა.