დამოუკიდებელი დეპუტატის, თამარ ჩუგოშვილი იუსტიციის უმაღლესი საბჭოს არამოსამართლე წევრს, ნაზი ჯანეზაშვილს პასუხობს და ამბობს, რომ სამწუხარო სანახავია სხვა ადამიანები სახეს როგორ კარგავენ. ამ თემაზე მან პალიტრანიუსის ეთერში ისაუბრა.

"სხვებისგან განსხვავებით ადამიანებს რაღაცებს არ ვაბრალებ ნამდვილად, სხვები ასე იქცევიან სამწუხაროდ და ძალიან არასასიამოვნო სანახავია სხვა ადამიანები შენ თვალწინ სახეს რომ კარგავენ, მაგრამ ნუ რას ვიზამთ ეს არც პირველია, არც უკანასკნელი", — თქვა თამარ ჩუგოშვილმა.

დეპუტატმა აღნიშნა, რომ ჯანეზაშვილის განცხადებების შემდეგ ეჭვი უჩნდება, რომ ის პოლიტიკური გავლენების ქვეშ მოექცა, რადგან ამ ყველაფერს სხვა ახსნა არ აქვს. ჩუგოშვილმა თქვა, რომ ჯანეზაშვილმა კარგად იცის რა ადარდებდა მას სასამართლოსთან დაკავშირებით.

იუსტიციის უმაღლესი საბჭოს არამოსამართლე წევრმა, ნაზი ჯანეზაშვილმა განაცხადა, რომ თამარ ჩუგოშვილმა, ქართულ ოცნებაში ყოფნის პერიოდში რამდენჯერმე დაურეკა და და სთხოვდა გაჩუმებულიყო. მისი თქმით, ჩუგოშვილი ამბობდა, რომ არ მოსწონდა იუსტიციის უმაღლეს საბჭოში "ხმაური". ჯანეზაშვილმა აღნიშნა, რომ ერთ-ერთი საუბრის დროს დეპუტატმა უთხრა, რომ იმ ხალხის კრიტიკა, ვინც საბჭოს წევრად აირჩია უხერხული იყო.