პრემიერმინისტრი, გიორგი გახარიას თქმით,შეიძლება, რომ ჯანდაცვის სამინისტროს ზრუნვის სამინისტრო დავარქვათ. როგორც ის ამბობს, სამინისტროს მხრიდან ზრუნვა ბოლო 4 თვის განმავლობაში ძალიან კარგად გამოჩნდა, როცა მსოფლიო გლობალური გამოწვევის წინაშე დადგა.

გახარიას თქმით, საქართველოს ჯანდაცვის სისტემამ, სხვებთან შედარებით, წარმატებით გაართვა თავის ამ გამოწვევას, თუმცა, ჯერ არაფერი დასრულებულა.

"ჩვენს მოქალაქეებს სიმშვიდეს სძენს სწორედ ის სახეები, რომლებიც დღეს აქ გახლავთ წარმოდგენილნი. ჯანდაცვის სამინისტრო, ეს სისტემური სამინისტროა, რომელიც ფარავს ადამიანების ცხოვრების ძალიან ბევრ სფეროს. ის რეფორმები, რომლებიც ბოლო თვეების განმავლობაში დაიწყო სამინისტროში, არის უკიდურესად მნიშვნელოვანი იმისთვის, რომ შესძინოს მდგრადობა იმ მიღწევას, რომელსაც ჯანდაცვის სისტემამ 2012 წლიდან მიაღწია. ჩვენ მივაღწიეთ იმას, რომ მივედით თითოეულ ადამიანამდე და მას ვაგრძნობინეთ სახელმწიფოს მხრიდან ზრუნვა მის ჯანმრთელობაზე, სიცოცხლეზე, სოციალურ მდგომარეობაზე, შრომით უზრუნველყოფაზე, სამუშაო ადგილებსა და კიდევ ბევრ რამეზე. ამ ყველაფერს უზრუნველყოფს ჯანდაცვის სამინისტრო", — განაცხადა გახარიამ.