სასურველი ნივთების ონლაინ ყიდვა-გაყიდვა უფრო გამარტივდა, ფიზიკურ პირებს უკვე შეუძლიათ იყიდონ ან გაყიდონ სასურველი ახალი თუ მეორადი ნივთები დისტანციურად, ონლაინ გადახდითა და მიწოდების სერვისის დახმარებით.

ნივთების გასაყიდად უნდა დაამატო განცხადება Mymarket-ზე, მონიშნო რომ გსურს ონლაინ გაყიდვა, შეავსო შესაბამისი ველები და განცხადება გამოქვეყნდება პლატფორმაზე ონლაინ გაყიდვის შესაძლებლობით.

ნივთის გაყიდვის შემთხვევაში ჩვენი კურიერი დაუკავშირდება მფლობელს, ეწვევა მისამართზე და წამოიღებს ნივთს. ტრანსპორტირებას უზრუნველყოფს Mymarket-ის პარტნიორი ორგანიზაცია უსაფრთხოების ყველა წესის დაცვით. მყიდველთან ჩაბარებამდე მოხდება ამანათის დეზინფექცია, რათა თავიდან ავიცილოთ ყველა შესაძლო რისკი.

მყიდველს ნივთის მიღებისას აქვს შესაძლებლობა 10-15 წუთის მანძილზე დაათვალიეროს, შეამოწმოს რამდენად შეესაბამება ის ვებგვერდზე განთავსებულ განცხადებაში მითითებულ მონაცემებს. დატოვების შემთხვევაში გამყიდველს ჩაერიცხება ნივთის ღირებულების თანხა საკომისიოს გამოკლებით, ნივთის დაბრუნების შემთხვევაში მყიდველი იხდის მხოლოდ ტრანსპორტირების ღირებულებას.

საწყის ეტაპზე ფიზიკური პირებისთვის შესაძლებელია მობილურების, მობილურის აქსესუარების, ლეპტოპებისა და კომპიუტერული აქსესუარების ყიდვა-გაყიდვა.

სამომავლოდ, დაგეგმილია პლატფორმაში დაინერგოს მომხმარებლების შეფასების სისტემა, სადაც სხვა მომხმარებლები შეაფასებენ და გაიზრდება ხარისხიანი ნაწარმის გამყიდველების სანდოობა.