ინტერნეტ სივრცეში სხვადასხვა თემატიკაზე ყოველდღიურად უამრავი ვიდეოს ნახვა არის შესაძლებელი. მათ შორის კი ერთ-ერთი ყველაზე პოპულარული ჟანრი საყვარელი, ყველასაგან გამორჩეული, ნიჭიერი და სახალისო ბავშვების ვიდეოებია, რომელთა ყურებამაც შეუძლებელია კარგ ხასიათზე არ დაგაყენოთ. ბავშვები ხომ დიდებისგან განსხვავებით კამერის წინ დაუფარავად გამოხატავენ საკუთარ ემოციებსა და აზრებს.

ასეთი გამორჩეული ვარსკვლავები საქართველოშიც გვყავს. მათ ვიდეოებს ათასობით ნახვა და უამრავი მოწონება აქვს.

პატარა გოგონას სახლში უნდა

პატარა ქუთაისელ გოგონას ძალიან უნდა სახლში წასვლა, ამიტომ ის ცდილობს, მასწავლებელი ამჯერად მაინც დაიყოლიოს და მარიკუნას მანქანით რაც შეიძლება მალე წავიდეს მამასთან.

დამპლური თამაშები

"დამპლური თამაშები" უამრავი პაროდიის, ქუბისა თუ ილუსტრაციის შთაგონების წყარო გახდა. ორი პატარა ბიჭი კამერის წინ ერთობოდა, როცა მათ თავზე ბრაზიანი უფროსი დაადგათ. ვიდეომ გამოქვეყნების შემდეგ უამრავი ადამიანის ყურადღება მიიპყრო, თუმცა მაყურებლებს რეაქცია არა მხოლოდ ბავშვების უცნაურ "სიმღერაზე", არამედ მოძალადე მამაზეც ჰქონდათ. უცნობია, მოჰყვა თუ არა რაიმე რეაგირება ამ ფაქტს. თვითონ ვიდეოს ვარსკვლავმა ბიჭუნამ ყველაფრის დავიწყება გვირჩია.

ნინია მეგობარმა გაანაწყენა

ნინიას გაბრაზებას არ გირჩევთ, რადგან მან შეიძლება საქვეყნოდ მოყვეს თქვენი და მისი დაპირისპირების ამბავი. ალბათ თქვენც იცით უკვე გაბრაზებული პატარა გოგონასა და მისი მეგობრის ისტორია. როგორც ვიცით, საბოლოოდ ნინიამ მიიღო ბოდიში, რომელსაც ვიდეოში ითხოვდა.

მგელი და კრავი

ბავშვი, რომელიც ვიდეოში ჩანს, 1-2 წლის თუ იქნება და ის უკვე მშობლებისგან დამოუკიდებლად კითხულობს ზღაპარს.

ნუ დემაგოგობ-მეთქი

სამსახურიდან სახლში მისულს მამას პატარა ლილე გაბუტული დახვდა დასთან, თინიკოსთან კონფლიქტის შემდეგ. რა მოხდა, და რა სიტყვები ითქვა ამ "უმწვავესი" დაპირისპირების დროს, შეგიძლიათ იხილოთ ვიდეოში.

ემოციური ბავშვი

პატარებმა ყველაზე კარგად იციან, რომ თუ მთელი წელი კარგად მოიქცევიან და მშობლებს არ გააბრაზებენ, წლის ბოლოს მათ თოვლის ბაბუა ესტუმრება. ვიდეოს მთავარმა გმირმა ნამდვილად დაიმსახურა საახალწლო საჩუქარი, რომელიც კართან დახვდა. პატარას ემოციების შეკავება უჭირს და ძალიან გახარებულია.


ჯერჯერობით სულ ესაა. თუ რაიმე გამოგვრჩა, შეგიძლიათ კომენტარებში შეგვახსენოთ.