დღეს, 11 ივნისსს, რესპუბლიკური საავადმყოფოს სამედიცინო პერსონალიდან 3-ს კორონოვირუსი დაუდასტურდა. ამის შესახებ თბილისის რესპუბლიკური საავადმყოფოს დირექტორმა, ლევან გოფოძემ განაცხადა. მისივე თქმით, სამედიცინო პერსონალიდან კიდევ 1-ს კოვიდინფექცია გუშინ დაუდასტურდა. გოფოძის თქმით, ის კორიდორის დამლაგებელია, მას უშუალოდ პაციენტებთან შეხება არ ჰქონია.

როგორც გოფოძეს ამბობს, ამ დროისთვის რესპუბლიკურ საავადმყოფოში 34 პაციენტია, მათგან 10-ს დადასტურებული აქვს კოვიდინფექცია. მისივე ცნობით, აქედან 1 პაციენტის მდგომარეობა მძიმეა.

"წყაროს თქმა ძალიან ძნელია. ამაზე NCDC მუშაობს, იკვლევს მათ კონტაქტებს და შემდგომში კონტაქტების შემოწმების შემდგომ ვნახავთ, საიდან მოხდა დაინფიცირება. მათი ჯანმრთელობის მდგომარეობა დამაკმაყოფილებელია, შეიძლება ითქვას, რომ ნაკლები სიმპტომები აქვთ. ერთადერთი, პირველად ვისაც დაუდასტურდა, მას ჰქონდა ცხელება 37,2, დანარჩენებს ცხელებაც არ უფიქსირდებათ, მაგრამ ეს არაფერს ნიშნავს, ისინი ჩვენთან დაკვირვების ქვეშ იქნებიან", — განუცხადა ჟურნალისტებს გოფოძემ.