რესპუბლიკური პარტიის წევრი, დავით ბაქრაძე ამბობს, რომ უმცირესობების ჩაგვრაში ფაქტობრივი თანამონაწილეობა ცუდია. მისი თქმით, ასევე ცუდია "მოძალადე, რუსული გავლენების საპატრიარქოს მეხოტბეობა".

ბერძენიშვილის ამ განცხადებას წინ უძღოდა ლელოს ლიდერების, მამუკა ხაზარაძისა და დავით უსუფაშვილის განცხადებები. მამუკა ხაზარაძის აზრით, საქართველოში ლგბტ თემის უფლებები "ძალიან კარგადაა" დაცული და ისე არ უნდა მოხდეს, რომ უმცირესობამ უმრავლესობის უფლებები შელახოს. ის წინააღმდეგია, რომ ლგბტ თემის წევრებს ქორწინებისა და შვილად აყვანის უფლებ მიენიჭოთ.

ასევე, ხაზარაძეს საპატრიარქოს ეკლესია-მონასტრებისთვის მიმდებარედ ტყეების გადაცემა პრობლემად არ მიაჩნია. ის დარწმუნებულია, რომ ეკლესია მას კარგად მიხედავს.

ბერძენიშვილის ყოფილმა თანაპარტიელმა, დავით უსუფაშვილმა კი განაცხადა, რომ "ერთნაირ სქესიანთა ქორწინების დაკანონებას ლელო მხარს არ უჭერს, ისევე, როგორც ამას მხარს არ უჭერდა მთელი დემოკრატიული სამყარო სულ რაღაც ორი ათეული წლის წინ.

დავით ბერძნიშვილის თქმით, 2020 წელს, მთელს ცივილიზებულ სამყაროში, ხუთივე კონტინენტზე დაკანონებულია ერთნაირსქესიანი ადამიანების ქორწინება ან სამოქალაქო კონტრაქტი.

"ორი ათეული წლის წინ დასავლეთ ევროპაში კონტრაქტი იყო და აღმოსავლეთში არა.2016 წელს რესპუბლიკელებმა გავაპროტესტეთ და დავუპირისპირდით ხელისუფლების პროპაგანდისტული, შავრაზმული კამპანიის ფარგლებში საკონსტიტუციო ნორმით განსაზღვრას, რომ ქალის და კაცის ერთობაა ქორწინება. არ დავმალულვართ — კრიტიკულ ვითარებაში ღირებულებებისადმი ერთგულება ვარჩიეთ ელექტორალურ ამოცანას, რაკი შეთავსება შეუძლებელი გახდა. კიდევ უფრო მკაფიო იყო ეს მიდგომა 2017-ის თვითმმართველობის არჩევნების კამპანიისას. მოძალადე, რუსული გავლენების ბასტიონის-საპატრიარქოს მეხოტბეობა და უმცირესობების ჩაგვრაში ფაქტობრივი თანამონაწილეობა ცუდია. სუსტთან ძლიერი და ძლიერთან სუსტი...ეს არაა თავისუფალ ადამიანთა არჩევანი", — წერს ბერძენიშვილი.

მისივე თქმით, რესპუბლიკელები 2017 წელს გამოქვეყნებული საქართველოში სამოქალაქო კონტრაქტის, ლგბტქ თემის და არასამთავრობო სექტორის მიერ მხარდაჭერილი ტევადი კონცეფციის ავტორები არიან.

"გვსურს, მხოლოდ ოცი წლით ჩამოვრჩებოდეთ კლასიკურ დასავლეთს..მეტით არა.გვსურს, მივუახლოვდეთ მალე აღმოსავლეთ და სამხრეთ- აღმოსავლეთ ევროპას, სადაც სამოქალაქო კონტრაქტია.სწორედ სამხრეთ-აღმოსავლეთ ევროპის სრულფასოვან ნაწილად ვხედავთ საქართველოს მალე... ნატოში უსაფრთხოებითაც, ევროკავშირში კეთილდღეობითაც და ლიბერალური ღირებულებებითაც. გამონაკლისებს ამოფარება სისუსტე და სითამამის ნაკლებობაა. თავისუფლების ბრძოლის ავანგარდში ვხედავთ თავს. არც ვყოფილვართ და არც ვიქნებით ღირებულებების საკითხში უკან მიდევნებული ლამპარი", — წერს ბერძენიშვილი.