დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ცენტრალური ინფექციური საავადმყოფოს კლინიკური დირექტორის, მარინა ეზუგბაიას თქმით, დღეს, 6 ივნისს საქართველოში კორონავირუსის დადასტურებული 3 ახალი შემთხვევიდან სამივე იმპორტირებულია. ამ თემაზე კომენტარი მან ჟურნალისტებთან გააკეთა.

"სამი ახალი დადასტურებული შემთხვევა არის იმპორტირებული, ანუ შემოტანილი, 2 აქედან სატვირთო ავტომობილის მძღოლია და ერთი უკვე კარანტინიდან დადასტურებული შემთხვევა", — თქვა მარინა ეზუგბაიამ.

ეზუგბაიას თქმით, ცენტრალურ ინფექციურ საავადმყოფოში კორონავირუსისგან 5 პაცინეტი გამოჯანმრთლედა და ამჟამად მკურნალობას 49 პაციენტი აგრძელებს. მისი თქმით, კლინიკაში მძიმე პაციენტები აღარ არიან.

ბოლო მონაცემებით, ქვეყანაში სულ დადასტურებულია კორონავირუსის 808 შემთხვევა, მათ შორის გამოჯანმრთელებულია 663 ადამიანი, ხოლო გარდაცვლილია — 13. კარანტინის რეჟიმში 2 955 პირი რჩება, სტაციონარში მეთვალყურეობის ქვეშ — 276.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: