დამოუკიდებელ დეპუტატი დავით ჭიჭინაძე ფიქრობს, რომ ევროპულმა საქართველომ პრემიერმინისტრს გიორგი გახარიას, პარლამენტში მოსმენისას "ფიანდაზები დაუგო" და მწვავე კითხვები არ დაუსვა. არაკრიტიკულ გამომსვლელებს შორის მან პარტიის სპიკერები, მათ შორის, გიგა ბოკერია და გიგი წერეთელი დაასახელა.

"შეხედეთ პირველ მოსმენას, როგორი ხორხოცით და ერთმანეთთან მოფერებით მიდიოდა. მეორედ რომ იყო მოსული, თვითონვე მიხვდნენ, რომ იმდენად ტკბილი საუბარი ჰქონდათ, იმ 11 საათის განმავლობაში საზოგადოებაც დაღალეს, ყველა დაღალეს", — განაცხადა მან მთავარი არხის ეთერში.

ჭიჭინაძის განცხადებით, ის აკვირდებოდა და ჯერ კიდევ საარჩევნო სისტემის მოლაპარაკებების ჩავარდნას და ევროპულმა საქართველომ "პირველივე წუთიდან ისევ მოლაპარაკების მაგიდასთან დაჯდომის კონცეფციები წარმოადგინა". მანვე განაცხადა, რომ ევროპული საქართველო "კარგად თანამშრომლობდა" პრემიერმინისტრ გიორგი კვირიკაშვილთანაც.

მაისის ბოლოს პრემიერმინისტრი გახარია პარლამენტში 2-ჯერ იყო მისული. პირველი მოსმენა, რომელზეც პრემიერმა პანდემიასთან საბრძოლველად გადადგმული ნაბიჯები განიხილა, 11 საათი გაგრძელდა. მეორედ კი პრემიერი პარლამენტში ინტერპელაციის მეთოდით მივიდა, სადაც ევროპული საქართველოსა და ნაციონალური მოძრაობის კითხვებს უპასუხა.

გაიგეთ მეტი პარლამენტში გახარიას ვიზიტებზე: