დაავადებათა კონტროლის ეროვნული ცენტრის ხელმძღვანელის ამირან გამყრელიძის ცნობით, საქართველოში კორონავირუსის შემთხვევების რიცხვი კიდევ 4-ით, 800-მდე გაიზარდა. 2 ივნისის დილის მდგომარეობით, 796 შემთხვევა იყო. ამის შესახებ გამყრელიძემ პირველი არხის ეთერში განაცხადა.

მისივე ცნობით, ახალი შემთხვევებიდან, ერთი არის საბურთალოს კლასტერიდან და სამი ტრაილერის მძღოლია. ისინი არ არიან საქართველოს მოქალაქეები.

"30 იანვრიდან, რაც დავიწყეთ კვლევა, ისეთი შემთხვევები, სადაც მიტანილი იყო ეჭვი, 59 ათასამდეა. ისინი ექვემდებარებოდნენ კლინიკურ-ლაბორატორიულ კვლევას. მათ შორისაა 800 დადასტურებული", — ამბობს გამყრელიძე.