ოკუპირებული ცხინვალის რეგიონში კორონავირუსის კიდევ ერთი შემთხვევა დადასტურდა, ჯამში — 39. ამჯერად ის სამხედრო მოსამსახურეს გამოუვლინდა. ინფორმაციას ამის შესახებ ადგილობრივი მედია ავრცელებს.

ე.წ. სანიტარული სამსახურის წარმომადგენელი, ანა გაგლოევა ამბობს, რომ კარანტინში 238 ადამიანი იმყოფება და მათგან 116 სამედიცინო დაწესებულებაშია.

ოკუპირებული ცხინვალის რეგიონმა რუსეთთან საზღვარი 30 ივნისამდე დაკეტა. ამასთან, ადგილობრივი მედიის ინფორმაციით, 25 მაისიდან ამუშავდა საზოგადოებრივი ტრანსპორტი, კაფეები, საბავშვო გასართობი ცენტრები, სპორტული ობიექტები, ბიბლიოთეკები, სასტუმროები და ა.შ.