რამდენჯერ მომხდარა ისე, რომ სხვის ანგარიშზე თანხის გადარიცხვა გინდოდათ, თუმცა არასაკმარისი ინფორმაციის გამო ეს ვერ შეძელით ან დროში გაგეწელათ?

ალბათ, არც ისე იშვიათად.

იმისათვის, რომ თანხა გადავრიცხოთ ხშირ შემთხვევაში ანგარიშის ნომერი გვჭირდება, ამ მონაცემის ზეპირად დამახსოვრება თითქმის შეუძლებელია, გარკვევას კი დროა მიაქვს.

კიდევ ერთი დისკომფორტი, რომელიც ანგარიშის ნომრით გადარიცხვას ახლავს თან, ანგარიშზე თანხის მომენტალურად ასახვის პრობლემაა, რომელიც არასამუშაო დღეებში კიდევ უფრო აჭიანურებს პროცესს.

იმის გათვალისწინებით, რომ თანხის გადარიცხვა ერთ-ერთი ყველაზე საჭირო და პოპულარული სერვისია ფინანსურ ტრანზაქციებს შორის, რომელიც ნებისმიერ დროს შეიძლება დაგვჭირდეს, თიბისი ფეი თავის მომხმარებლებს ამ სერვისის განსაკუთრებულად გამარტივებულ და მრავალფეროვან საშუალებებს სთავაზობს.

ახლა სწორედ იმ უპირატესობების შესახებ მოგიყვებით, რომლებითაც სარგებლობა როგორც თიბისი ფეის ვებ გვერდზე, ისე მობილურ აპლიკაციაში შეგიძლიათ.

1. თანხის გადარიცხვა პირადი ნომრით

(ხელმისაწვდომია ვებგვერდსა და აპლიკაციაში)

რა აუცილებელია მრავალნიშნიანი ანგარიშის ნომრის გამოყენება, როცა მარტივად, პირადი ნომრითა და დაბადების თარიღითაც შეგვიძლია იმავე ტრანზაქციის განხორციელება? თანაც ხშირად გადასახდელი აპარატებით სარგებლობისას მხოლოდ იგივე ინფორმაცია გვესაჭიროება და მიჩვეულები ვართ, რომ ამ მონაცემებით შევძლებთ თანხის გადარიცხვას და დამატებითი მონაცემების მოძიება აღარ გვჭირდება.

შესაბამისად, თიბისი ფეის პლატფორმაზე ირჩევთ ნებისმიერ მიმღებ ბანკს, შეგყავთ ეს ინფორმაცია და გადარიცხვის შემდეგ, სასურველ ანგარიშზე თანხა მომენტალურად აისახება.

2. გადარიცხვა მობილურის ნომრით

(ხელმისაწვდომია ვებგვერდსა და აპლიკაციაში)

ხანდახან ისეც ხდება, რომ ჩვეულებრივზე უფრო სწრაფად გვსურს თანხის გადარიცხვა და მიმღების საიდენტიფიკაციო მონაცემები არ გვაქვს. დროის მცირე მონაკვეთში კი იმ პირს, ვისთანაც თანხის გადარიცხვა გვსურს, ვერ ვუკავშირდებით, რათა მისი საბანკო ანგარიში ან პირადი ნომერი გავიგოთ.

თიბისი ფეი ამ შემთხვევაშიც გთავაზობთ მარტივ გამოსავალს: მხოლოდ მობილურის ნომრითაც შეგიძლიათ გადარიცხოთ თანხა ნებისმიერ ანგარიშზე. ასეთ დროს მიმღებ პირს SMS შეტყობინების სახით სპეციალური ბმული მიუვა, რომელზე გადასვლის შემდეგაც შეძლებს გადმორიცხული თანხა თავის სასურველ ანგარიშზე ჩაერიცხოს.

3. გადარიცხვა ბარათის ნომრით

(ხელმისაწვდომია ვებგვერდზე)

და რა ხდება მაშინ, როცა ზემოთ ჩამოთვლილი საოცრად მოსახერხებელი საშუალებებიც კი ვერ გვეხმარება კონკრეტულ შემთხვევაში? მაგალითად, მობილურის ნომრით გადარიცხვის შემდეგ ოჯახის წევრმა არ იცის, რა მოუხერხოს შეტყობინებით მისულ ბმულს?

თიბისი ფეის პლატფორმა ასეთ გამოუვალი სიტუაციებიდანაც უმტკივნეულოდ დაგიხსნით: თუ პირობითად თქვენი ნათესავი ტექნოლოგიურ დეტალებში არც ისე კარგად ერკვევა და ამავდროულად პირადი ნომრის გახსენებაც უჭირს, მას შეუძლია ქართული საბანკო ბარათის წინა მხარეს დატანილი თექვსმეტნიშნა კოდი გიკარნახოთ, რომლითაც თანხის გადარიცხვას ასევე წარმატებით შეძლებთ.

ამ ყველაფერთან ერთად თიბისი ფეის ვებგვერდიდან თუ აპლიკაციიდან თანხის გადარიცხვისას თქვენ შესაძლებლობა გაქვთ სხვადასხვა ბანკში თქვენთვის სასურველ მისამართზე ისე გადარიცხოთ თანხა, რომ ის ბარათზე მაშინვე აისახოს და მისი განაღდება ან POS ტერმინალზე გადახდა მიმღებმა დაუყონებლივ შეძლოს: თუ საყიდლებზე მოულოდნელად აღმოაჩინეთ, რომ გადახდისას თანხა არ გყოფნით და ახლობელს ან მეგობარს თანხის სწრაფად გადმორიცხვა სთხოვეთ, ეს სერვისები დროში გაჭიანურებული უხერხულობისგან გადაგარჩენთ.

ეს ერთი შეხედვით შეუმჩნეველი დეტალები დისტანციური ფინანსური სერვისებით სარგებლობას წარმოუდგენლად კომფორტულს გახდის თქვენთვის და ამაში მაშინვე დარწმუნდებით, როგორც კი თიბისი ფეის სივრცეში აღმოჩნდებით: ამ სტატიაში აღწერილ თანხის გადარიცხვის მოქნილ საშუალებებთან ერთად ნებისმიერი დროის მონაკვეთში კიდევ 1000-ზე მეტი სერვისით სარგებლობა შეგიძლიათ, რომლებიც ცხოვრებას გაგიმარტივებთ.
#უფრო მარტივია

ჩამოტვირთე TBC Pay-ს აპლიკაცია:

ANDROID: https://bit.ly/2FKtq0x

IOS: https://apple.co/3dYjgbZ