საპარტნიორო ფონდის განცხადებით, სომხეთს საქართველოში წარმოებული 4000 ცალი დამცავშრიანი სამედიცინო პირბადე გადასცეს. უწყების განმარტებით, ეს მათივე მხარდაჭერით შექმნილი სამედიცინო პირბადეების საწარმოს პირველი პროდუქცია Faceguard-ია.

საპარტნიორო ფონდის განცხადებით, საწარმო ნიუ ტექნოლოჯი იმპექსმა პროდუქციის, Faceguard-ის გამოშვება მიმდინარე კვირაში დაიწყო. მათივე განმარტებით, ქარხანა აწარმოებს პირბადეებს ე.წ. Melt blown ხარისხის ნედლეულით, რომელიც 99%-იან დაცვას უზრუნველჰყოფს. როგორც საპარტნიორო ფონდში ამბობენ, საწარმოს წარმადობა სრული დატვირთვისას თვეში 12 მილიონ პირბადეს შეადგენს და პროდუქცია განკუთვნილია, როგორც ადგილობრივი, ასევე, საექსპორტო ბაზრებისთვის.