ლელო საქართველოსთვის თავმჯდომარის, მამუკა ხაზარაძის განცხადებით, პარტია ყველა მაჟორიტარულ ოლქშ თავის კანდიდატს წარადგენს. ამ თემაზე მან სპეციალურ პრეზენტაციაზე ისაუბრა.

"ლელოს ეყოლება 30 მაჟორიტარი 30 საარჩევნო ოლქში. ჩვენ დღეს აქტიურად ვემზადებით ამისათვის, გვყავს საკმარისზე მეტი კანდიდატი, რომ ყველა მაჟორიტარულ ოლქში ვიბრძოლოთ გამარჯვებისათვის", — თქვა ბადრი ჯაფარიძემ მთავარ არხთან საუბრისას.

პარტიის თავმჯდომარის, მამუკა ხაზარაძის თქმით, ლელოს ამ ეტაპზე ოპოზიციასთან ერთიან კანდიდატებთან დაკავშირებით კონსულტაციები არ აქვს, თუმცა რიგ საკითხებზე კოორდინაცია არ გამოირიცხება.

ლელომ დღეს კამპანია — ახალი ძალა ახალი იმედი და პარტიის ლოგოტიპი წარადგინა. ხაზარაძის განცხადებით ეს მშვიდობისა და გამარჯვების სიმბოლოა. პარტიის ლიდერების განცხადებით, პანდემიის შემდგომ მსოფლიოს ახალი იმედი და ახალი ძალით განვითარება სჭირდება.