საპარლამენტო უმრავლესობის წევრმა და ქართული ოცნების ერთ-ერთმა ლიდერმა გია ვოლსკიმ, დღეს, 26 ნოემბერს, პარლამენტის რიგგარეშე პლენარულ სხდომაზე მთავრობას კითხვით მიმართა, აპირებს თუ არა უზენაესი სასამართლოს მოსამართლეებზე ზეწოლის სავარაუდო ფაქტთან დაკავშირებით გამოძიების ჩატარებას. ვოლსკიმ ასევე აღნიშნა, რომ მისთვის საინტერესოა რა პოზიცია აქვთ რუსთავი 2-ის ამჟამინდელ მფლობელებს ძმებ ყარამანიშვილებს:

"მნიშვნელოვანი საკითხი წამოიჭრა, ჩვენ მინისტრს ერთს და მთავრობის მაღალჩინოსანს სერიოზული ბრალდება დაუყენეს წინ, იმასთან დაკავშირებით, რომ პროცესი მიმდინარეობს და კიდევ სხვა ორ პიროვნებასთან ერთად ზეწოლას ახდენს უზენაეს სასამართლოს წვერებზე. ეს არ არის მიხოლოდ აქ გაჟღერებული საკითხი.

მე ვფიქრობ გამოძიება უნდა ჩატარდეს საგანგებო და აპირებს თუ არა მთავრობა ამ საკითხთან დაკავშირებით დასვას ძალიან კონკრეტული საკითხი? რა ფორმით, როგორ ხორციელდება უმაღლესი სტატუსის მქონე ადამიანებზე განხორციელდეს ზეწოლა და რაღაც გადაწყვეტილების მიღება? მეორე საკითხია საერთოდ სად არიან, რატო მალავენ ყარამანიშვილებს? რა პოზიცია აქვთ მათ ამ საკიხთან დაკავშირებით და ისინი რას ფიქრობენ? მართლა ხომ არ ხორციელდება ზეწოლა და გამოძიება არის თუ არა ჩასატარებელი"?

22 ნოემბერს, უზენაესი სასამართლოს კოლეგიამ რუსთავი 2-ის საქმე განსახილველად დიდ პალატას გადასცა. ამასთან არასამთავრობო ორგანიზაცია საერთაშორისო - გამჭვირვალობა მიიჩნევს, რომ რუსთავი 2-ის სასამართლო პროცესი გამოირჩეოდა მოსამართლეების მიკერძოებული დამოკიდებულებით.