პირველი ივნისიდან გაიხსნება ყველა სახის ღია მაღაზია, მათ შორის, სავაჭრო მოლები, ღია და დახურული ბაზრობები და მხოლოდ ღია სივრცის რესტორნები. ეკონომიკური საქმიანობების გახსნაზე და შეზღუდვების შემდუბუქებაზე პრემიერ-მინისტრმა გიორგი გახარიამ დღეს, 27 მაისის ბრიფინგზე განაცხადა.

მისივე თქმით, 8 ივნისიდან, შემდეგი ორშაბათიდან გაიხსნება ყველა სახის მომსახურება რესტორნებში, რაც იმას ნიშნავს, რომ რესტორნები სრულად ამუშავდებიან. ასევე, იმავე დღეს ამუშავდებიან სასტუმროებიც.

"ეს ნაბიჯები მიღებულია ჩვენი მოქალაქეების სოციალურ-ეკონომიკური ინტერესებიდან, თუმცა აუცილებელია, ამის შემდეგ შევინარჩუნოთ ეპიდემიის გავრცელების ის ტემპი, რომელიც გვაქვს", — თქვა გახარიამ.