"როდესაც თავდაცვის ყოფილმა მინისტრმა გააუქმა წვევამდელთა გაწვევა ხოლო ახლა გვთავაზობთ გაუქმებული გაწვევის აღდგენას, რომელ შემთხვევაში იყავით მართალი?", - ნაციონალური მოძრაობის წევრის თენგიზ გუნავას კითხვაზე გიორგი კვირიკაშვილმა უპასუხა, რომ წვევამდელთა გაწვევის სტრატეგია იყო გრძელვადიანი სტრატეგიის ნაილი, თუმცა მისივე თქმით, იმ თინა ხიდაშელი გადაწყვეტილება, პირდაპირ ეთერში გაეუქმებინა იგი, იყო მოუმზადებელი იმ კონკრეტული პერიოდისათვის:

"რაც შეეხება იმას თუ როდის ვიყავი მართალი, პირდაპირ ვამბობ, რომ თინა ხიდაშელმა გამოაცხადა პირდაპირ ეთერში. ჩემდა სამწუხაროდ, მე ამდენი ხანი საჯარო კრიტიკისგან თავს ვიკავებდი, გამომდინარე იქიდან, რომ ჩვენ ერთი კაბინეტის წევრები ვიყავით. სამწუხაროდ, მისი მხრიდან ეს ეთიკა ბევრჯერ დაირღვა, მე ბევრჯერ შეიძლება გული მეტკინოს ამაზე მაგრამ არაუშავს პოლიტიკაში გულის ტკენები არა რის მნიშვნელოვანი. კიდევ ერთხელ ვამბობ, რომ ის გადაწყვეტილება, რა თქმა უნდა იყო იმ გრძელვადიან სტრატეგიასთან შესაბამისობაში, რომელიც ჩვენ ერთად გვაქვს დამტკიცებული, მაგრამ იყო მოუმზადებელი იმ დროსა და სივრცეში, როცა იქნა ის მიღებული".