ტელეკომპანია მთავარ არხს ორი ახალი მეწილე ჰყავს. არხის მფლობელებმა ნიკა გვარამიამ და კახა ანჯაფარიძემ წილები 22 მაისს გაასხვისეს. ამის შესახებ საჯარო რეესტრში ატვირთული მონაცემებით ირკვევა.

ამასთან, გვარამია აღარ ფლობს ტელევიზიის წილების ნახევარზე მეტს. აქამდე ის 51%-ის მფლობელ იყო. ახალი გადაწყვეტილებით, მთავარი არხის 40%-იანი წილი ზაზა ოქუაშვილის დაფუძნებულმა კომპანიებმა შეიძინეს. წილები შემდეგნაირად ნაწილდება:

ლონდონში რეგისტრირებული კომპნაია BGIM ltd (დამფუძნებელი ზაზა ოქრუაშვილი) — 39%;

მის მიერ დაფუძნებული კომპანიები: ბენმონტი, ომეგა მოტორს ჯგუფი, მონტე მატრიქსი — ჯამში — 0,8%

მაგული ხარებავა — 0,2%.

ამ კომპანიებმა წილები 15 წლის მართვის უფლებით გადაიბარეს.

მთავარი არხის 37%-იანი წილის მესაკუთრე ბაკურ ჯახაია გახდა. ჯახია უკრაინის მოქალაქეა და ტელევიზიის წილში 37 000 ლარი გადაიხადა. ის ვალდებული იქნება ტელევიზიის საწესდებო კაპიტალში გარკვეული თანხა შეიტანოს.

საჯარო რეესტრის ინფორმაციით, ყველა რეგისტრაცია საბოლოოდ დასრულებული არ არის. ცვლილებების დადასტურების შედეგ მთავარი არხის წილები ასე გადანაწილდება:

  • BGIM ltd — 39%;
  • ნიკა გვარამია —12%;
  • მარი ანა რურუა — 2,5%;
  • თეიმურაზ ვასილიძე —1%;
  • ბაკურ ჯახაია — 37%;
  • ნიკოლოზ სისაური — 3%;
  • გიორგი რურუა — 2,5%;
  • შპს საქართველოს უნივერსიტეტი — 2%;
  • ბენმონტი — 0,2%;
  • მონტე 0,2%;
  • ომეგა მოტორ ჯგუფი – 0,2%;
  • მატრიქსი — 0,2%;
  • მაგული ხარებავა — 0,2%.