მღვდელმონაზონი ანდრია სარიას თქმით, სასულიერო პირების მხრიდან ანტივაქსერული ქადაგებები ანტიდასავლური კამპანიის ნაწილიცაა. ამ თემაზე მან მთავარი არხის ეთერში ისაუბრა. ანდრია სარიას თქმით, ანტივაქსერულ განცხადებების მიზეზი ერთის მხრივ უცოდინრობაა, მეორე მხრივ ის მიზანმიმართული კამპანიაა.

მამა ანდრიას თქმით, როცა ადამიანი არ ფლობს ინფორმაციას და ამტკიცებს რაღაცას ეს მიზანმიმართული პროპაგანდაა ცოდნის წინააღმდეგ.

"სასულიერი პირები როდესაც ამას ქადაგებენ, მე ვფიქრობ რომ ეს ანტიდასავლური კამპანიაც არის. ბოლო პერიოდში მე რასაც ვაკვირდები რუსულ ინფორმაციულ ველს, ძალიან დიდი დოზით არის ანტივაქსერული კამპანია იქაც. თუმცა, თვითონ აწარმოებენ ამავე დროს, საინტერესო ის ფაქტია, რომ თვითონ ატარებენ კამპანიას, მაგრამ ამავე დროს, თვითონაც მუშაობენ ვაქცინაზე, რომელიც უახლოეს პერიოდში უნდა შემოგვთავაზონ. ხოტბას ვისაც ასხამენ ესენი, ის ქვეყანაც კი აწარმოებს ვაქცინაციას", — თქვა ანდრია სარიამ.

მისი თქმით, ამ ადამიანებს რომ "ჩავყვეთ" ვერ გაგვცემენ პასუხს რა არის დედააზრი ამ კამპანიის.