საქართველოს პარლამენტის ყოფილი თავმჯდომარე და ქართული ოცნების აღამასრულებელი მდივანი ოპონენტ კოლეგას, გიგა ბოკერიას "ნომერ პირველ გოიმს" უწოდებს.

დღეს ირაკლი კობახიძეს ჟურნალისტებმა ჰკითხეს შალვა რამიშვილის POSTV-ში გაკეთებულ განცხადებაზე, სადაც თქვა, რომ ისეთი "გოიმური" ოპოზიციური სპექტრი, როგორიც დღესაა, საქართველოს ისტორიაში არ ახსენდება.

"გიგა ბოკერია არის ნომერ პირველი გოიმი ამ გოიმების სპექტრში. გოიმურად გამოიყურებიან, გოიმურად იქცევიან, შესაბამისად, მეტი არაფერი არ არის გოიმობა და ამ გოიმობის გამო ისინი მიიღებენ პასუხს. გოიმობა რა არის ყველამ კარგად იცის მე მგონი, ამას განმარტება არ სჭირდება. მე მგონი საქართველოში არ არის ადამიანი, ვინც არ იცის რა არის გოიმობა და ასევე, საზოგადოებამ იცის ის, თუ რას ნიშნავს გოიმური ქცევა, გოიმური საუბარი, ეს ყველაფერი ვნახეთ ჩვენ მაგალითად, ლეიბორისტული პარტიის ოფისში", — აღნიშნა მან.

მმართველი პარტიის ერთ-ერთმა ლიდერმა ასევე განმარტა, რატომ უწოდა ოპოზიციას "გოიმური":

"პრემიერის მოსვლაზე ოპოზიცია საუბრობდა გოიმურად, კიდევ ერთხელ, რომ პრემიერს ეშინოდა მოსვლა და ა.შ. ესაა წმინდა წყლის სპეკულაციები და გოიმობა. იგი სამჯერ მოვა პარლამენტში მომდევნო ერთი თვის განმავლობაში", — თქვა კობახიძემ.