საქართველოში კორონავირუსის დადასტურებული შემთხვევების რიცხვი 667-მდე გაიზარდა. 14 მაისის საღამოს 15 ინფიცირებული გამოვლინდა. StopCov.ge-ზე სტატისტიკის განახლებამდე ცნობილი გახდა, რომ ყველა ახალი შემთხვევა ბოლნისის მუნიციპალიტეტიდანაა.

ბოლნისის მერის, დავით შერაზადიშვილის ცნობით, სოფელ მუშევანსა და სოფელ გეტაში სულ 131 ნიმუში გუშინ, 13 მაისს აიღეს, მათგან 8 გეტაში, 7 კი მუშევანში დადასტურდა.

ინფიცირებულებს შორის გამოჯანმრთელებულია 383 ადამიანი, ხოლო გარდაცვლილია 12 პაციენტი. მეთორმეტე გარდაცვლილის შესახებ ინფორმაცია დღეს, 14 მაისს გახდა ცნობილი. ოფიციალური სტატისტიკით, კარანტინის რეჟიმში 4 233 პირი, სტაციონარში მეთვალყურეობის ქვეშ 373 პაციენტი რჩება.