საბერძნეთი ტურისტული სეზონის განახლებას პირველი ივლისიდან გეგმავს. ამის შესახებ ინფორმაციას CNN ავრცელებს. გამოცემა წერს, რომ ქვეყანა ამ დრომდე ინარჩუნებს კორონავირუსით გარდაცვლილთა დაბალ მაჩვენებელს — 148 ადამიანს და ის შეზღუდვების შემსუბუქებას იწყებს.

საბერძნეთში ამ კვირაში ზოგიერთი ბიზნესი, მათ შორის სილამაზის სალონები და წიგნის მაღაზიები გაიხსნა. საბერძნეთის პრემიერმა გამოცემასთან აღნიშნა, რომ ამ წელს ტურისტების მიღება შესაძლოა ცოტათი განსხვავებული იყოს.

"შეიძლება არ გაიხსნას არცერთი ბარი, არ იყოს მჭიდრო ჯგუფების შეკრების საშუალება, თუმცა თქვენ მაინც შეგეძლებათ ფანტასტიკური შთაბეჭდილებები მიიღოთ, იმ პირობით, რომ პანდემია დაღმავალ გზაზე იქნება", — აღნიშნა მან.

პრემიერმა აღნიშნა, რომ სასურველია არსებობდეს ერთიანი წესები, რომელიც ტურისტების მიღებას და შემოწმებას განსაზღვრავს, მას სურს, რომ ადამიანებმა კორონავირუსზე ტესტირება მანამდე გაიარონ, სანამ ისინი თვითმფრინავში მოხვდებიან.

ჯონ ჰოპკინსის უნივერსიტეტის მონაცემების მიხედვით, საბერძნეთში კორონავირუსის 2 678 შემთხვევა დასტურდება. მათგან გამოჯანმრთელებლია 1 374, ხოლო გარდაცვლილია 148 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: