დაავადებათა კონტროლის ცენტრის ხელმძღვანელი, ამირან გამყრელიძე კორონავირუსის პიკის სავარაუდო პერიოდის განსაზღვრასთან დაკავშირებით გამოხმაურებებს უპასუხა და თქვა, რომ "ველოსიპედი არ გამოუგონიათ" და პიკი შიდა გავრცელებიდან მე-6, მე-7 და მე-8 კვირას არის.

"მე ვიცი, Facebook-ზე ბევრი ამბობს, აი, გამყრელიძე გამოვა და იტყვის კიდევ 2-3 კვირა, კიდევ 2-3 კვირა, კიდევ 2-3 კვირა. არა, ბატონო, თავიდანვე ვთქვი, რომ ახალ ველოსიპედს ჩვენ ვერ გამოვიგონებთ, შიდა გავრცელებიდან მე-6, მე-7, მე-8 კვირა არის ხოლმე ყოველთვის საფრთხილო. შიდა გავრცელება ჩვენთან დაიწყო 23 მარტს, იქედან გადათვალეთ, ახლა ვართ მე-7 კვირაში. ამიტომ, მე-7 კვირა, მე-8 კვირას დავაკვირდეთ და ვნახოთ, როგორ გავივლით" — განაცხადა გამყრელიძემ.