დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოში დაახლოებით 12-დან 15-მდე კლასტერია.

მისი თქმით, ყველაზე დიდი ყურადღება ქვემო ქართლის რეგიონზეა მიპყრობილი, სადაც ქვეყანაში დადასტურებული ინფიცირების შემთხვევების 33% მოდის.

"ქვეყანაში დაახლოებით 12-დან 15-მდე კლასტერია და მგონი, მათი სახელები ყველამ ყველამ იცის. ჩვენ დღეს განსაკუთრებული ყურდაღება გვაქვს ქვემო ქართლის რეგიონზე და კერძოდ, სამ მუნიციპალიტეტზე მიპყრობილი, ეს გახლავთ: მარნეულის, ბოლნისისა და თეთრიწყაროს მუნიციპალიტეტები. გასულ შაბათს ვიყავი ამ რეგიონში.ეს რეგიონი არის ერთ-ერთი დაზიანებული. მთლიანად ამ რეგიონში 198 დადებითი შემთხვევა გვაქვს 604 შემთხვევიდან, რაც არის შეთხვევების 33%, განსაკურებით მაღალი დასენიანება გვაქვს ბოლნისში —117, შემდეგ თეთრიწყაროში — 48, მარნეულში —33", — განაცხადა ამირან გამყრელიძემ.