მსოფლიო ლიდერებმა კორონავირუსის დიაგნოსტირების, მკურნალობისა და ვაქცინისთვის 8 მილიარდი დოლარი გაიღეს. ამის შესახებ ვირტუალურ კონფერენციაზე გახდა ცნობილი, რაშიც ევროკავშრი, კანადა, საფრანგეთი, გერმანია, იტალია, იაპონია, საუდის არაბეთი, ნორვეგია, ესპანეთი და დიდი ბრიტანეთი მონაწილეობდა. მათ შორის არ იყო ამერიკის შეერთებული შტატები.

ევროკომისიის პრეზიდენტმა ურსულა ვონ დერ ლეუენმა განაცხადა, რომ მსოფლიომ უჩვეულო ერთიანობა აჩვენა საერთო სიკეთისთვის:

"მთავრობები და ჯანდაცვის ორგანიზაციები გაერთიანდნენ კორონავირუსის წინააღმდეგ. ჩვენ ვართვაქცინის შექმნის, წარმოებისა და განაწილების გზაზე. ეს მხოლოდ დასაწყისია. ჩვენ გვჭირდება უფრო მეტი კონტრიბუცია. ფინანსების გაღების მარათონი გრძელდება".

CNN-ის ცნობით, ნორვეგიამ 1 მილიარდი დილარი გაიღო კონტრიბუციის სახით, შვეიცარიამ — 381 მილიონი დოლარი, ხოლო ნიდერლანდებმა — 209 მილიონი დოლარი. იტალიის პრემიერ მინისტრ-მინისტრმა ჯუზეპე კონტემ 152 მილიონი დოლარი გამოყო, ხოლო სამხრეთ კორეამ კი 50 მილიონი დოლარი