მართალია, უამრავ კომპანიასა თუ ორგანიზაციას პანდემიის გამო მუშაობის ჩვეული რიტმი შეეცვალა და მათი სერვისებით სარგებლობას ძველებურად ვეღარ ვახერხებთ, თუმცა სანაცვლოდ მოულოდნელი სიურპრიზებით შეგვიძლია ვისარგებლოთ: მაგალითად, სულ ცოტა ხნის წინ ნეტფლიქსმა 10 შემეცნებითი დოკუმენტური ფილმი უფასოდ YouTube-ზე გამოაქვეყნა.

სხვა ბევრი მსგავსი დაწესებულების მსგავსად, აშშ-ში, ქალაქ მინეაპოლისში მდებარე თანამედროვე ხელოვნების გალერეა Walker Art Center კორონავირუსის გავრცელების პრევენციის გამო დროებით დახურულია. თუმცა მისმა მესვეურებმა გადაწყვიტეს, რომ ხელოვნებით დაინტერესებულ პირებს არც იზოლაციაში მოაკლონ საინტერესო და შემეცნებითი ინფორმაცია.

ეს ხელოვნების ცენტრი 1990 წლიდან სხვადასხვა ცნობილ კინოხელოვანებთან მასტერკლასებს წერდა, რომელთა ხილვა თუ მოსმენა აქამდე ასე თავისუფლად ყველასთვის შესაძლებელი არ იყო.

ახლა კი იუთუბზე სრულიად უფასოდ ნებისმიერ მსურველს შეუძლია მოუსმინოს ამ საკულტო ხელოვანების დისკუსიას კინოს სხვადასხვა მნიშვნელოვანი თემის შესახებ:

ჯიმ ჯარმუში (რეჟისორი ფილმებისა Broken Flowers, Only Lovers Left Alive და Paterson)

ანიეს ვარდა (რეჟისორი ფილმებისა Le Bonheur, Vagabond და Faces Places)

სპაიკ ლი (რეჟისორი ფილმებისა Malcolm X, Do the Right Thing და BlacKkKlansman)

კლინტ ისტვუდი (რეჟისორი ფილმებისა Million Dollar Baby, Do the Right Thing და Richard Jewell)

ბონგ ჯუნ ჰო (რეჟისორი ფილმებისა Mother, Okja და Parasite)

აბას კიაროსტამი (რეჟისორი ფილმებისა The Wind Will Carry Us, Certified Copy და Taste of Cherry)

პიტერ გრინვეი (რეჟისორი ფილმებისა The Cook, the Thief, His Wife & Her Lover, Drowning by Numbers და 8½ Women)

რეჟისორებთან ერთად ასევე შეგიძლიათ იხილოთ ცნობილი მსახიობების საუბრები კინოზე, მაგალითად ჯესიკა ლენგის

ან ტომ ჰენკსის.

ამ ჩანაწერების საგანძურის სრული არჩევანის ხილვა კი Walker Art Center-ის იუთუბის არხზე შეგიძლიათ.