აშშ-ის პრეზიდენტის დონალდ ტრამპის თქმით, ნანახი აქვს "მტკიცებულება", რომლითაც დასტურდება, რომ Covid-19 ჩინეთში, უხანის ვირუსოლოგიის ლაბორატორიაში შეიქმნა. The Guardian-ის ინფორმაციით, ჟურნალისტების კითხვის პასუხად მან განაცხადა, რომ ეს "მტკიცებულება" სანდოა.

"დიახ, მაქვს. და ვფიქრობ, რომ ჯანდაცვის მსოფლიო ორგანიზაციას საკუთარი თავის გამო უნდა ცხვენოდეს, რადგან ჩინეთისთვის საზოგადოებასთან ურთიერთობის სააგენტოსავით არიან", — განაცხადა დონალდ ტრამპმა.

ტრამპისგან განსხვავებით, აშშ-ს დაზვერვის სამსახური აცხადებს, რომ ვირუსი ადამიანის მიერ შექმნილი ან გენეტიკურად მოდიფიცირებული არაა. როგორც მათ განცხადებაშია აღნიშნული, ისინი მეცნიერთა უმრავლესობას ეთანხმებიან, რომ ვირუსი ბუნებრივ პირობებში შეიქმნა და შემდეგ ადამიანს გადაეცა.

ინფორმაცია იმაზე, რომ ვირუსი უხანის ლაბორატორიაში შეიქმნა აქამდე რუსულ პროპაგანდისტულ წყაროებზე ვრცელდებოდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: