ჯანდაცვის მინისტრის, ეკატერინე ტიკარაძის თქმით, ისეთი ინფიცირებულები, რომელთაც კორონავირუსის სუსტი დადებით პასუხი აქვთ, აბასთუმანში გადავლენ სამკურნალოთ. მინისტრის თქმით, ეს ინიციატივა კლინიკურ ჯგუფს ეკუთვნის და გადაწყვეტილება მიღებულია. ამის შესახებ ეკატერინე ტიკარაძემ პირველ არხზე, მოამბის ეთერში ისაუბრა:

"ჩვენ ვფიქრობთ, რომ საკურორტო ზონა იქნება აბასთუმანი, რომელიც პირველივე დღიდან იყო ჯერ საკარანტინე და შემდეგ ცხელებიც ცენტრი. გარემო პირობებიდან გამომდინარე, მივიღეთ გადაწყვეტილება, რომ ეფექტური იქნებოდა პაციენტის ჯანმრთელობისთვის იქ განთავსება. შემდეგ დღეებში ველოდებით ისეთი პაციენტების სახელობით სიას, რომელთა მკურნალობა გაგრძელდა 14 დღეზე მეტხანს, არ აქვთ კლინიკური ნიშნები, აქვთ სუსტი დადებითი პასუხი ვირუსის ტესტზე და სჭირდებათ მხოლოდ ექიმების მეთვალყურეობა".

ბოლო მონაცემებით საქართველოში კორონავირუსის 511 დადასტურებული შემთხვევაა, მათ შორის, 6 გარდაიცავალა. 28 აპრილს ცნობილი გახდა, რომ კორონავირუსისგან კიდევ 12 ადამიანი განიკურნა. გამოჯანმრთელებულების რაოდენობა 168-მდე გაიზარდა.