პირველი მაისიდან ავსტრიაში იზოლაციის წესების შერბილება დაიწყება. მოქალაქეებს უფლება ექნებათ, რომ ქუჩაში გავიდნენ. ამასთან, ათზე მეტი ადამიანის შეკრება აკრძალილი იქნება. აქამდე ავსტრიაში მცხოვრებელს სახლის დატოვება მხოლოდ გამონაკლის შემთხვევაში შეეძლოთ.

მაისიდან ქვეყანაში გაიხსნება მაღაზიები და მომსახურების სხვა სფეროები, მათ შორის სილამაზის სალონები. ორი კვირის შემდეგ რესტორნებისა და ბარების გახსნა იგეგმება, იმ პირობით რომ მომხმარებლებს შორის დისტანცია იქნება დაცული. რესტორნის თანამშრომლები კი, რომელთაც კლიენტებთან უშუალო შეხება ექნებათ, ვალდებული იქნებიან, ნიღბები ატარონ. თვის ბოლოს კი ავსტრიაში სასტუმროებიც გაიხსნება.

ბოლო მონაცემებით, ავსტრიაში კორონავირუსით ინფიცირების 15 ათასზე მეტი შემთხვევაა დაფიქსირებული. COVID-19-ით 549 ადამიანი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: