შინაგან საქმეთა სამინისტროს განცხადებით, ბოლო 24 საათში საგანგებო მდგომარეობის რეჟიმის დარღვევის 132 შემთხვევა გამოავლინეს.

უწყების განცხადებით, 25 აპრილის 21 საათიდან 26 აპრილის დილის 6 საათამდე, ე.წ. კომენდანტის საათის დარღვევისთვის 75 მოქალაქე დააჯარიმეს. 24 პირს კი მგზავრთა გადაყვანისა და ავტომობილით გადაადგილების წესის დარღვევისთვის გამოუწერეს ჯარიმა.

შსს-ს განცხადებით, დააჯარიმეს კიდევ 33 პირი, რომლებიც საჯარო სივრცეში 3-ზე მეტი პირის შეკრებისა და 2-მეტრიანი სოციალური დისტანციის წესს არ იცავდა.

საგანგებო მდგომარეობის რეჟიმის დარღვევისთვის გათვალისწინებულია ფიზიკური პირის დაჯარიმება 3 000 ლარით, ხოლო იურიდიული პირის – 15 000 ლარით.

ბოლო მონაცემებით, საქართველოში კორონავირუსით ინფიცირებულია 488 ადამიანი, მათგან 136 გამოჯანმრთელებულია, ხოლო 6 გარდაცვლილი. კარანტინის რეჟიმში 4 928 ადამიანი იმყოფება, სტაციონარში მეთვალყურეობის ქვეშ — 522.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: