რამდენიმე ათეული წლის წინ ფოტოგრაფმა ქრის ფორშმა ინგლისის ქუჩებში საათობით სეირნობისას უამრავ გამვლელს გადაუღო ფოტოები. ცოტა ხნის წინ მან გადაღებული ნამუშევრების გაცოცხლება გადაწყვიტა და თავისი ფოტოების 135 გმირი მოძებნა.

თითქმის ერთსა და იმავე ადგილასა და სიტუაციაში გადაღებული ძველი და ახალი ფოტოებით ქრისმა ფოტოალბომი შექმნა, რომელსაც "Reunions" დაარქვა. სურათებს ისტორიებიც ერთვის, სადაც ობიექტივში მოხვედრილი პერსონაჟების 30-წლიანი გზა არის აღწერილი. ზოგიერთი ფოტოს ისტორია განსაკუთრებით საინტერესოა.

დოგი და ტინა (1985-2015)

ფოტო: Chris Porsz

ფოტოზე ერთმანეთზე შეყვარებულ ორ პანკს, ტინასა და დოგის ხედავთ. ისინი ქრის ფორშს მოგზაურობისას გადაეყარნენ. დოგი ამბობს, რომ იმდროინდელი ვარცხნილობა ენატრება.

სიყვარულით სავსე კოცნა (1980-2009)

ტონის და სალის უკვე შვილები ჰყავთ, თუმცა პირველ ფოტოზე მათ ერთად ცხოვრება ჯერ კიდევ ახალი დაწყებული ჰქონდათ. ფოტოზე აღბეჭდილია, როგორ ხვდება მოგზაურობიდან დაბრუნებული ტონი სალის. მას შემდეგ 30 წელი გავიდა, მაგრამ დრომ სიყვარულს ვერაფერი დააკლო.

ბიჭები გარბიან (1987-2016)

ფოტო: Chris Porsz

ენდი 21 წლის ასაკში დაოჯახდა და ახლა არაჩვეულებრივი მეუღლე და ქალიშვილი ჰყავს. რიჩარდს ორი ვაჟი ჰყავს და ამავე ქალაქში ცხოვრობს, ტონი ჯეიმსი კი ქვის მაღაროში მუშაობს და მასაც ორი ვაჟი ჰყავს. აარონიც დაოჯახდა, ხოლო დევინდერი 1986 წელს პიტერბუროდან იორკშირში გადავიდა საცხოვრებლად. მათ ბავშვობის მეგობრობის გარდა, ეს ლამაზი მოგონებაც აერთიანებთ. ისინი მრავალი წლის შემდეგ კვლავ შეხვდნენ, რათა ძველებურად გაეტარებინათ დრო ერთად.

დები (1980-2013)

შეჰნაზი, მისი ტყუპისცალი რუქსანა და იტრატი ფანჯრიდან იყურებოდნენ, როდესაც ფოტოგრაფმა ისინი კადრზე აღბეჭდა. დები იხსენებენ, რომ ბავშვობაში ძალიან უყვარდათ ფანჯრიდან ქუჩაში მიმავალი მანქანების ყურება. ბეგუნების ოჯახი დღემდე ამ ქალაქში ცხოვრობს. ახლა მათ უკვე საკუთარი ოჯახები ჰყავთ.

კარგი მეგობრები (1980-2015)

ფოტო: Chris Porsz

მართალია, ბავშვობამ უკვე ჩაიარა, მაგრამ მეგობრობა ისევ გრძელდება. ბიჭები 1980 წელს ქალაქის ერთ-ერთ ქუჩაზე თამაშობდნენ, როცა ფოტოგრაფის ყურადღება მიიპყრეს. მოგვიანებით სწორედ ამავე ქუჩაზეა გადაღებული მეორე ფოტოც. ქრის ფორშის ფოტომ მისტერ მედლერს გაახსენა, რომ მას ახლაც ისე აცვია, როგორც 5 წლის ასაკში ეცვა.