კორონავირუსით ინფიცირებულთა რაოდენობის ზრდის გამო თერჯოლის მუნიციპალიტეტის სოფელი ღვანკითი 06:00 საათიდან ჩაიკეტა. სოფელში მოწყობილია 5 ბლოკ-საგუშაგო, საიდანაც სოფლის ტერიტორია კონტროლდება და მოსახლეობას ღვანკითის დატოვების საშუალება არ აქვს.

სოფელ ღვანკითში 705 ოჯახი, 2 438 ადამიანი ცხოვრობს. იმერეთის სახელმწიფო რწმუნებულის, ზვიად შალამბერიძის თქმით, 22 აპრილს კოვიდფინფექცია სოფლის კიდევ 4 მაცხოვრებელს დაუდასტურდა.

"მანამდე იყო 6 ინფიცირებული და ჯამში ამ სოფელში კოვიდინფექცია 10 ადამიანს დაუდასტურდა, საიდანაც 8 არის ანტისხეულებით დადებითი და 2 — ოქროს სტანდარტით დამტკიცებული. ფაქტობრივად ერთ სოფელში 10 ინფიცირებული უკვე დიდი რისკია", — აღნიშნა შალამბერიძემ.

ფოტო: იმერეთის სახელმწიფო რწმუნებული / Facebook

ფოტო: იმერეთის სახელმწიფო რწმუნებული / Facebook

საქართველოშო უკვე კორონავირუსის 420 შემთხვევა დადასტურდა. მონაცემები StopCov.ge-ზე განახლდა. თბილისის ინფექციური საავადმყოფოს სამედიცინო დირექტორის თქმით, 420 პაციენტიდან სულ 313 მკურნალობს სხვადასხვა კლინიკაში.

დადასტურებულ შემთხვევებს შორის, გამოჯანმრთელებულია 107 ადამიანი და გარდაცვლილია 5 პირი. კარანტინის რეჟიმში სულ 5 223 პირი რჩება, ხოლო სტაციონარში მეთვალყურეობის ქვეშ — 584.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: