პრემიერ-მინისტრის პრესსპიკერის, ირაკლი ჩიქოვანის განცხადებით, საქართველოში კორონავირუსის კლასტერები ფართოვდება და სულ უფრო რთულდება და მძიმდება წყაროს დადგენა. მისი თქმით, მომდევნო 2-3 კვირის განმავლობაში ქვეყანა პიკურ ფაზაში იქნება.

"ქვეყანა სრულმაშტაბიანი შიდა გავრცელების ეტაპზეა. ამასთან სპეციალისტების ანალიზის საფუძველზე დღეს უკვე შეგვიძლია ვთქვათ, რომ შემდგომი 2-დან 3 კვირის განმავლობაში ვიქნებით ვირუსის გავრცელების ყველაზე აქტიურ, პიკურ ფაზაში", — თქვა ირაკლი ჩიქოვანმა.

ჩიქოვანმა აღნიშნა, რომ დღეს აუიცილებელი ნაბიჯების გადადგმას უფრო დიდი მნიშვნელობა ენიჭება, რათა ამ ფაზას ლოგიკურად მოჰყვეს ე.წ. გახსნის ფაზა.