თეთრი ხმაურის მოძრაობის წარმომადგენელი ბექა წიქარიშვილი, რომელიც ასევე აპროტესტებს ქვეყანაში არსებულ ნარკოპოლიტიკას, მიიჩნევს, რომ გირჩის ინიციატივა, რომელიც ახალ წლამდე ნარკოპოლიტიკის არ შეცვლის შემთხვევაში მარიხუანის საჯაროდ დარგვას გულისხმობს, არარეალურია.

"ნაწილობრივ მივესალმები გირჩის თამამ გადაწყვეტილებას, თუმცა აქვე უნდა ვთქვათ, რომ ეს შეიძლება საკმაოდ არარეალური იყოს დღევანდელ მოცემულობაში, ან არ შეესაბამებოდეს იმ გამოწვევებს, რასაც ჩვენ დღეს ნარკოპოლიტიკა გვიყენებს. გადასაჭრელი არის ისეთი ფუნდამენტური საკითხები, როგორიც არის დეკრიმინალიზაცია ყველა ნარკოტიკის და არა მხოლოდ მარიხუანის" - ამბობს ის მაესტროთან საუბარში.

თეთრი ხმაურის მოძრაობამ დღეს ასევე დააანონსა აქცია. მოძრაობა მიიჩნევს, რომ პოლიციამ არჩევნების შემდეგ განაგრძო მოქალაქეების მიმართ დევნა და ძალადობა.

მიიღეთ მონაწილეობა On.ge-ს LIVE გამოკითხვაში: როგორი უნდა იყოს სახელმწიფოს პოლიტიკა მარიხუანასთან მიმართებაში?