უმრავლესობის წევრი, დიმიტრი ხუნდაძე ამბობს, რომ პატრიარქის სააღდგომო ეპისტოლე მისთვის განსაკუთრებული იყო.

მისი აზრით, ეს ეპისტოლე როგორც სახარება, ბევრჯერ უნდა წაიკითხოს ყველა ქრისტიანმა.

"პატრიარქის ეპისტოლე, როგორც ყოველთვის, საყურადღებოა ჩვენთვის. განსაკუთრებული იყო წლევანდელი სააღდგომო ეპისტოლე, რომელიც მსოფლიოში შექმნილ მძიმე განსაცდელს და ჩვენს რწმენაში სიმტკიცეს ეხება", — განაცხადა ხუნდაძემ.

ხუნდაძის თქმით, მისთვის, როგორც ხელისუფლების წარმომადგენლისთვის, განსაკუთრებით მნიშვნელოვანი იყო ის ნაწილი, სადაც პატრიარქი საქართველოს დამოუკიდებლად არსებობის შესაძლებლობებზე საუბრობს.

"დიახ, ამ განსაცდელმა ერთი რამ ცხადი გახადა, არ შეიძლება ქვეყანა სრულად დამოკიდებული იყოს სხვა ქვეყნებზე როგორც ეკონომიკურად, ასევე თუნდაც პოლიტიკურად. ამ მძიმე ჟამს მსოფლიოს ყველა სახელმწიფო ჩაიკეტა, მათ შორის ჩვენც და შევძელით დამოუკიდებლად გვეწარმოებინა კრიზისული პერიოდის პოლიტიკა", — განაცხადა ხუნდაძემ.

კორონავირუსის პანდემიის პირობებში, სპეციალისტების რეკომენდაციების მიუხედავად, საპატრიარქომ უარი თქვა მთავარი რეკომენდაციის შესრულებაზე და მრევლს სახლში დარჩენისკენ არ მოუწოდა, არც ეკლესიები დაკეტა დროებით. პირიქით, საქართველოს მთავრობა და ეკლესია შეთანხმდნენ, რომ აღდგომის ლიტურგიას მრევლიც დაესწრო.

კანონდარღვევის მიუხედავად, პატრიარქმა მრევლს, რომელიც საგანგებო მდგომარეობის დროსაც დადიოდა ტაძარში მადლობას გადაუხადა.

გაიგეთ მეტი: