ქართველი კინორეჟისორი, სცენარისტი, მსახიობი და მხატვარი, რეზო ესაძე 86 წლის ასაკში გარდაიცვალა.

რეზო ესაძეს გადაღებული აქვს ათზე მეტი ფილმი, რომელთა ნაწილი არაერთ ჯილდოს ფლობს. მათ შორისაა "ნეილონის ნაძვის ხე" და "ერთი ნახვით შეყვარება". როგორც მსახიობს შესრულებული აქვს მთავარი და ეპიზოდური როლები სხვადასხვა ფილმში.

2016 წელს თავისი ბოლო ფილიმი — "თვე, როგორც ერთი დღე" გადაიღო, 2019 წელს კი კინოთეატრ რუსთაველის წინ მისი სახელობის ვარსკვლავი გაიხსნა.

რეზო ესაძის გარდაცვალების გამო განცხადებას ავრცელებს ეროვნული კინოცენტრი და უსამძიმრებს მის ოჯახს.