ერთიანი ნაციონალური მოძრაობის წევრის, გიგა ბოკერიას თქმით, არჩევნებზე ხელის ჩაქნევა შეცდომაა, პარტიაში განხეთქილება კი პარლამენტის შესვლასთან დაკავშირებით დაიწყო:

"ერთადერთ სწორ გადაწყვეტილებას, პარლამენტში შესვლას ჩვენი პარტიის ერთი ნაწილის აგრესიული რეაქცია მოჰყვა, რამაც წაახალისა ძალიან ბინძური კამპანია, რომ ივანიშვილს შევეკარით. ეს იყო ძალიან დიდი შეცდომა. შეცდომაა არჩევნებზე ხელის ჩაქნევაც, გამოცხადება რომ არჩევნებს აზრი არ აქვს, მაშინ, როცა წინ გველის თვითმმართველობის არჩევნები და ვაპირებთ ბრძოლას. ესაა ხალხის გვერდით დგომა."

10 ოქტომბერს მიხეილ სააკაშვილმა განაცხადა, რომ მეორე ტურში კანდიდატების მონაწილეობის აზრს ვერ ხედავდა.

23 ოქტომბერს სანდრა რულოვსმა მეორე ტურში მონაწილეობაზე უარი თქვა და განაცხადა:

"ყველამ იცის, რომ მე პირველ ტურში გავედი, ამიტომ შეურაცხყოფად ვთვლი მეორე ტურში შემოსვლას ამ უსამართლო ე.წ. დემოკრატიული არჩევნების ფონზე."

რულოვსი პარლამენტში პარტიული სიით მოხვდა, თუმცა 7 ნოემბერს, დეპუტატის მანდატზეც უარი თქვა.