სერიული მკვლელები ყველაზე სასტიკი და დაუნდობელი მეთოდებით კლავენ მსხვერპლს, ეს მათი ცხოვრების მთავარი მიზანია და ამით ყველაზე დიდ სიამოვნებას იღებენ.

ხშირ შემთხვევაში მათ განსხვავებული ხელწერა აქვთ, რაც თითოეულ მკვლელობას განსაკუთრებულ სიმბოლურ დატვირთვას სძენს, ხშირად ისინი ტოვებენ ნიშნებს, თითქოს სათქმელს ან პროტესტს რომელიც დიდი ხნის განმავლობაში დაუგროვდათ, ამ გზით გამოხატავენ.

განსხვავებული ხელწერის მიუხედავად, მათ საერთოც აქვს - სურთ, რომ მათი სახელი ისტორიში ყველაზე სასტიკ და დაუნდობელი მკვლელთან ასოცირდებოდეს.

წარმოგიდგენთ რამდენიმე მათგანს:

ედმუნდ კემპერი

ედმუნდ კემპერი 1970 წელს, როდესაც სულ რაღაც 15 წლის იყო, საკუთარი ბებია და ბაბუა მოკლა, ასე დაიწყო მისი, როგორც სერიული მკვლელის ისტორია. მოგვიანებით მან ექვსი გოგო გამოასალმა სიცოცხლე, მათი გვამები კი დაანაწევრა. კემპერის ბოლო მსხვერპლი საკუთარი დედა და შეყვარებული გახდნენ. 3 წლიანი ძებნის შემდეგ ის 1973 წელს დააპატიმრეს და სამუდამო პატიმრობა მიუსაჯეს.

იენ ბრედი და მარა ჰინდლეი

მათ 1963-1965 წლებში ხუთ არასრულწლოვან, 10-დან 17 წლამდე ასაკის ბავშვზე ჯერ სექსუალურად იძალადეს, შემდეგ კი სიცოცხლეს გამოასალმეს. პოლიციამ 5 მსხვერპლიდან მხოლოდ სამ გვამს მიაგნო, ერთ-ერთის ცხედარი კი თავად ბრედის სახლში აღმოაჩინეს. სასამართლომ ორივეს, იენსაც და მარასაც სამუდამო პატიმრობა მიესაჯა, მარა 2002 წელს გარდაიცვალა, იენი კი 2017 წლის მაისში.

პიტერ მანუელი

1956-1958 წლებში, პიტერ მანუელმა ცხრა ადამიანი მოკლა, საერთო ჯამში კი ის 18 ადამიანის მკვლელობაში იყო ეჭვმიტანილი. დიდი ხნის განმავლობაში მას პოლიცია დანაშაულს ვერ უმტკიცებდა, მანამ სანამ ერთ-ერთი ბოლო მსხვერპლის ბარათით სასმელი არ შეიძინა. პიტერ მანუალი სიკვდილით დასაჯეს.

გერი რიდვეი

გერი რიდვეიმ, რომელიც 2001 წელს 4 ადამიანის მკვლელობისათვის დააკავეს, დაპატიმრების შემდეგ აღიარა რომ აშშ-ს მასშტაბით 1980-1990 წლებში 70 ქალი მოკლა. იმის გამო, რომ გვამებს მწვანე მდინარეში აგდებდა, რიდვეის ზედმეტსახელად მწვანე მდინარის მკვლელიც კი შეარქვეს. მიუხედავად იმისა, რომ მან გაცილებით მეტი ადამიანის მკვლელობა აღიარა, რაოდენ უცნაურიც არ უნდა იყოს სასამართლომ გერის მხოლოდ 49 ადამიანის მკვლელობისათვის გამოუტანა განაჩენი და სამუდამო პატიმრობა მიესაჯა.

ექიმი ჰეროლდ შიმპმანი

ბრიტანელი ექიმი ჰეროლდ შიმპმანი, ყველა დროის ერთ-ერთი ყველაზე სასტიკი სერიული მკვლელია, რომელიც საზოგადოებაში დიდი ნდობითა და პატივისცემით სარგებლობდა, თუმცა ამ სანდრო ექიმის ანგარიშზე ასობით ადამიანის სიკვდილია. მასთან მკურნალობის შემდეგ უამრავი ადამიანისათვის სიცოცხლე ფატალურად დასრულდა, რაც დიდი ეჭვის საფუძველი გახდა, საბოლოოდ კი 1998 წლამდე, სანამ მას დააკავებდნენ 250-მდე ადამიანის მოკვლა მოასწრო. ექიმ ჰეროლდს სასამართლომ 15 ცხოვრებით მიუსაჯა პატიმრობა და ცალსახად თქვა, რომ ის არასოდეს არ გათავისუფლდებოდა საპატიმროდან.