ბრაზილიაში, ქალაქ რიო-დე-ჟანეიროში მდებარე ქრისტეს ცნობილი ქანდაკება სამედიცინო პერსონალის სოლიდარობის ნიშნად გაანათეს. ექიმები პანდემიის დროს მუშაობას არ წყვეტენ და კორონავირუსით ინფიცირებული მოქალაქეებს საკუთარი ჯანმრთელობის ხარჯზე მკურნალობენ.

მონუმენტი ექიმის უნიფორმის ფერებში განათდა.

ქრისტეს ქანდაკებაზე, რომელიც მთელ ქალაქს გადმოჰყურებს, ცოტა ხნის წინ იმ ქვეყნების დროშებიც მიანათეს, რომლებშიც კორონავირუსის შემთხვევები დაფიქსირდა.

ქრისტეს ქანდაკებაზე სხვადასხვა ენაზე მესიჯებიც გამოჩნდა — "დარჩი სახლში", "მადლობა", "იმედი" და ა.შ. მათ შორის იყო საქართველოს დროშაც.

ფოტო: CARL DE SOUZA / Getty Images

დღევანდელი მონაცემებით, ბრაზილიაში COVID-19-ის ჯამში 22 318 შემთხვევაა დადასტურებული, მათგან გარდაცვლილია 1 230 ინფიცირებული, ხოლო გამოჯანმრთელებულთა რიცხვი ჯერჯერობით უცნობია.

ამავე თემაზე: