ბრაზილიაში, ქალაქ რიო-დე-ჟანეიროში მდებარე ქრისტეს ცნობილი ქანდაკება სოლიდარობის ნიშნად იმ ქვეყნების დროშებით გაანათეს, რომლებიც კორონავირუსის პანდემიამ დააზარალა.

ქანდაკებაზე, რომელიც მთელ ქალაქს გადმოჰყურებს, ასევე გამოჩნდა სხვადასხვა ენაზე დაწერილი ფრაზა #ერთადვილოცოთ.

ფოტო: Getty Images

ქანდაკების ტურისტული ზონა ამჟამად უსაფრთხოების გამო დაკეტელია, თუმცა 18 მარტს ამ გზავნილის ხილვა მთელი ქალაქიდან იყო შესაძლებელი.

ფოტო: Getty Images

ცალკეული ქვეყნების დროშებთან ერთად ქანდაკებაზე გამოსახული იყო ყველა კონტინენტიც.

ფოტო: Getty Images

მსოფლიოში ამჟამად კორონავირუსით ინფიცირების 200 ათასზე მეტი შემთხვევაა დაფიქსირებული, მათ შორის ბრაზილიაში 635 შემთხვევას ითვლიან.