დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოს ჯანდაცვის მინისტრი ამბობს, რომ სტატისტიკა მუდმივ რეჟიმში მუშავდება და დღეის მდგომარეობით, საქართველოში პნევმონიის მნიშვნელოვანი მატება არ არის. ასე უპასუხა ეკატერინე ტიკარაძემ კითხვას, რატომ არ უტარდება ტესტირება ყველას, ვისაც პნევმონიის დიაგნოზი აქვს და იგეგმება თუ არა ამ ადამიანების აგრესიული ტესტირება.

"ჩვენ ყოველდღიურ რეჟიმში, უკვე ერთი თვეა, რაც ვახორციელებთ დაკვირვებას პნევმონიის სტატისტიკასთან მიმართებაში. მინდა აღვნიშნო, რომ ზოგადად, ყველა დაავადების ოდენობასთან მიმართებაში სტატისტიკის დამუშავება სამინისტროს და ასევე, დაავადებათა კონტროლის ცენტრის მხრიდან მუდმივ რეჟიმში მიმდინარეობდა ყოველწლიურად. დღეის მდგომარეობით, საქართველოში არ აღინიშნება პნევმონიის მნიშვნელოვანი მატება", — თქვა მინისტრმა.

მან ასევე აღნიშნა, რომ სამინისტრო დაკვირვების სხვადასხვა მეთოდოლოგიას იყენებს და ტესტირების შესახებ გადაწყვეტილებას ამის საფუძველზე იღებს.

"ამ ეტაპისთვის ამის საჭიროება არ არსებობს, თუმცა გარკვეული გამკაცრებები, ასევე, ზედამხედველობისა და მონიტორინგის გამკაცრება დაავადების ამოცნობასთან მიმართებაში, იგეგმება", — თქვა ტიკარაძემ.

ამ დროის მონაცემებით, საქართველოში კორონავირუსის 266 დადასტურებული შემთხვევაა, მათ შორის 67 გამოჯანმრთელდა, 3 კი გარდაიცვალა. კარანტინის რეჟიმში 4872 ადამიანი იმყოფება, სტაციონარში მეთვალყურეობის ქვეშ — 453.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: