დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის დირექტორის, ლევან რატიანის განცხადებით, კორონავირუსით ინფიცირებული 80 წლის ქალს დღეს, 13 აპრილს თერაპიის განყოფილებაში გადაიყვანენ და სავარაუდოდ, ხვალ გაწერენ.

"ორჯერადი კვლევის შემთხვევაში ამ ქალბატონთან არ დადასტურდა ინფექცია", — განუცხადა მან ჟურნალისტებს.

მისი ინფორმაციით, კლინიკაში 33 საშუალო სიმძიმის პაციენტი ჰყავთ, მძიმე — 4, კრიტიკული — 3. მისივე თქმით, ორსული და მოზარდი პაციენტების მდგომაროება სტაბილურია.

საქართველოში კორონავირუსით ინფიცირების 266 შემთხვევაა დაფიქსირებული. ინფიცირებულთა შორის 67 პაციენტი გამოჯანმრთელებულია, ხოლო 3 გარდაცვლილი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: