პრემიერ-მინისტრის, გიორგი გახარიას განცხადებით, პოსტკრიზისული ეტაპისთვის საკრედიტო-საგარანტიო სქემები ამუშავდება. ამის შესახებ მან საკოორდინაციო საბჭოს სხდომაზე განაცხადა.

როგორც პრემიერი განმარტავს, დაახლოებით 2 მილიარდის კრედიტების საგარანტიო სქემებით დახმარებაზეა საუბარი.

"აქ შესაძლებელია ჩვენი პარტნიორი დონორი ორგანიზაციების დახმარება. მნიშვნელოვანია, ჩვენმა ბიზნესმა იცოდეს, რომ ეს იქნება საკრედიტო-საგარანტიო სქემები, რომლითაც პოსტკრიზისულ ეტაპზე ჩვენ შევძლებთ, კომპანიებს დავეხმაროთ, რომ სწრაფად განვითარდნენ", — აღნიშნა პრემიერმა.