Wall Street Journal-თან საუბარში, აშშ-ს ახლად არჩეულმა პრეზიდენტმა დონალდ ტრამპმა განაცხადა, რომ ხელმისაწვდომი ჯანდაცვის სისტემა, ე.წ. ობამაქეარი შეიძლება არ გააუქმოს და სამაგიეროდ, ბარაკ ობამას გატარებულ რეფორმაში რამდენიმე შესწორება შეიტანოს.

აღნიშნული სისტემის გაუქმება ტრამპის კამპანიის ერთ-ერთი მთავარი მესიჯი იყო. თუმცა, როგორც მომავალი პრეზიდენტი აცხადებს, ობამასთან თეთრ სახში შეხვედრისას, რამდენიმე საკითხი განიხილეს და მათ შორის იყო ობამაქეარიც. მისი თქმით, პრეზიდენტმა ობამამ მას ქვეყნის წინაშე მდგარი გამოწვევებისა და სხვადასხვა წარმატებული რეფორმების შესახებ უამბო. როგორც ჩანს ბარაკ ობამამ მოახერხა, რომ დონალდ ტრამპი ხელმისაწვდომი ჯანდაცვის დაზღვევის სისტემის სიკეთეში დაერწმუნებინა.