ცერცვაძე: ტოკიოს ოლიმპიადა გადადეს, ჩვენ კი სახლში დარჩენაც არ გვინდა

31 Mar. 2020, 22:52

ქართველები, სხვათა შორის, ვგავართ იტალიელებს — ლაღი ხალხი ვართ, არა ვართ კანონმორჩილი, მაინცდამაინც არ გვიყვარს წესების დაცვა. რბილი ზომებით, კიდევ კარგად მოვედით აქამდე. ხომ ხედავთ იტალიას რა მოსდის, ფაქტობრივად, კატასტროფა ხდება[...]

იყო საგანგებო მდგომარეობა გამოცხადებული, მაგრამ ქუჩებში ბევრი ხალხი დადიოდა. იყო ერთმანეთთან მისვლა-მოსვლა. საზოგადოების ნაწილი სერიოზულად არ აღიქვამდა იმ საფრთხეს, რომელსაც მთელი მსოფლიო სერიოზულად აღიქვამს. ხედავთ რამხელა ღონისძიებები ტარდება მსოფლიოში: ფეხბურთის მატჩები შეწყდა; ევროპის ჩემპიონთა ლიგა შეწყდა; ამერიკაში NBA ლიგა შეწყდა, რაც არ მომხდარა არასოდეს; ტოკიოს ოლიმპიადა გადადეს, ასეთი რამე მეორე მსოფლიო ომის შემდეგ არ მომხდარა და ჩვენ არ გვინდა რბილი და დელიკატური ზომები შევასრულოთ და ელემენტარულად დავრჩეთ სახლში. აი, ამისთვის არის ეს ზომები [საყოველთაო კარანტინი] გათვალისწინებული, გამიზნული, რომ როგორმე დავრჩეთ სახლში.

ბოლო ამბები: