თბილისში, დიღმის მასივში მცხოვრებმა ახალგაზრდა კაცმა საცხოვრებელ კორპუსში ლიფტს დეზინფექცია ჩაუტარა, მაღაზიაში კი მოქალაქეებისთვის პროდუქტი იყიდა და დახლზე განათავსა, იმისთვის, რომ მსურველებმა უფასოდ აიღონ.

მოქალაქემ ვინაობის გასაჯაროება არ ისურვა, ფოტოები და ინფორმაცია კი მისმა დამ მოგვაწოდა.

უფასო პროდუქტებს შორისაა პური, მაკარონი და შაქარი. დახლზე განთავსებულია წარწერა "უფასოდ! აიღეთ საჭიროებისამებრ ამ პროდუქტებიდან!" ხოლო საცხოვრებელ კორპუსში ლიფტის კედელზე შემდეგი განცხადებაა გამოკრული: "ლიფტი დავადეზინფიცირე ქლორით, შეგიძლიათ უსაფრთხოდ იმგზავროთ".

მაშინ, როცა მსოფლიოში კორონავირუსი მძვინვარებს, მაღალი პასუხისმგებლობისა ასეთი მაგალითები ადამიანებს იმედით ავსებთ, პანდემიის შემდეგ კი აუცილებლად გაგვახსენდება ის ადამიანები, რომლებმაც ჩვენზე უანგაროდ იზრუნეს.