დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

კორონავირუსთან ბრძოლაში ესპანეთის მხარდასაჭერად, თბილისის ანძა ესპანეთის დროშის ფერებში განათდა.

"ვებრძოლოთ პანდემიას ერთად! ამ ბრძოლაში ჩვენ ვართ თქვენ გვერდით! - ეს არის გზავნილი, რომელსაც ქართველი ხალხი ესპანეთს უგზავნის", — აღნიშნულია თბილისის მერიის მიერ გავრცელებულ პრესრელიზში.

საქართველომ რამდენიმე დღის წინ სოლიდარობა იტალიელ ხალხსაც გამოუცხადა და სიმბოლურად თბილისის ანძა იტალიის დროშის ფერებში გაანათა.

worldometers-ის ინფორმაციით, ესპანეთი კორონავირუსით ინფიცირებულთა რაოდენობით მსოფლიოში მეოთხეა, ხოლო გარდაცვლილთა რაოდენობით — მეორე. ამ დროისთვის ქვეყანაში 72 248 დადასტურებული შემთხვევაა, მათგან 5 812 გარდაიცვალა.

ამ დროისთვის საქართველოში კორონავირუსის 90 დადასტურებული შემთხვევაა. მათგან 16 უკვე გამოჯანმრთელდა. კარანტინის რეჟიმში იმყოფება 4695 ადამიანი, ხოლო სტაციონარში მეთვალყურეობის ქვეშ — 231.

"ქვეყანაში არ ყოფილა ტესტირების დეფიციტი ოქროს სტანდარტით. სწრაფი ტესტი სასურველია, რომ იყოს და უნდა იყოს, მაგრამ ეს პანაცეა არ არის", — აღნიშნა გამყრელიძემ.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: