დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ინფექციური საავადმყოფოს სამედიცინო დირექტორის ინფორმაციით, მათ კლინიკაში მყოფი არასრულწლოვნების მდგომარეობა უკვე სტაბილურია და გაუარესება არ შეინიშნება.

"პირიქით, მათი განმეორებითი კვლევები იწყება და ალბათ მათთანაც დადგება გამოჯანმრთელება და ალბათ, ისინი დატოვებენ ჩვენს ცენტრს, ამის იმედი გვაქვს", — აღნიშნა მარინა ეზუგბაიამ.

ამასთან, მან ისაუბრა ინფიცირებულთა ასაკზეც და აღნიშნა, რომ თავდაპირველად დადასტურებულ შემთხვევებში ახალგაზრდები და საშუალო ასაკის ადამიანები უფრო მეტნი იყვნენ, ბოლო ათი დღეა კი ასაკობრივი სპექტრი შეიცვალა. მარინა ეზუგბაიას ინფორმაციით, ინფექციურ საავადმყოფოში ამ ეტაპზე 60 წელს გადაცილებული 7 პაციენტია, 70 წელს გადაცილებული — 3, ხოლოდ 80 წელს გადაცილებული — 2.

"ასაკი გარკვეულწილად მაღალი რისკის შემცველია და ასეთ პაციენტებთან დაავადების მიმდინარეობის პროგნოზი და გამოსავალი რთულია, აუცილებლად მოითხოვს დინამიურ მეთვალყურეობას და მხოლოდ ხანგრძლივი დაკვირვების შემდეგ საუბარს გამოჯანმრთელებაზე", — თქვა ეზუგბაიამ.

საქართველოში კორონავირუსით ინფიცირების 85 დადასტურებული შემთხვევაა, აქედან 14 უკვე გამოჯანმრთელდა. კარანტინის რეჟიმში იმყოფება 4641 ადამიანი, ხოლო სტაციონარში მეთვალყურეობის ქვეშ — 239.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: